Sozlamalar

Lentada Memor Tools → Sozlamalar. O'zgarishlar darhol qo'llanadi.

Interfeys tili — o'zbekcha yoki ruscha. Lenta va oynalar Revitni qayta ochmasdan yangi tilga o'tadi.
Lentadagi bo'limlar — kerak bo'lmagan bo'limlarni yashirish. Yashirilgan bo'lim «Bo'limni tanlash» ro'yxatida ham chiqmaydi.
Oynalar masshtabi — 90–120%. Istalgan oynada Ctrl + sichqoncha g'ildiragi bilan ham o'zgaradi.
Log papkasini ochish — xato bo'lsa, bugungi log faylni bizga yuboring.
Sozlamalarni tiklash — oyna o'lchamlari va yashirilgan bo'limlarni boshlang'ich holatga qaytaradi (til va litsenziya saqlanadi).
Dastur haqida — versiya, Revit versiyasi, kompyuter ID.

Lentadagi bo'limlar

Instrumentlar bo'limlarga ajratilgan (masalan, Hujjatlar). Bo'lim lentada yig'ilgan holda turadi: ikonkasini bossangiz, ichidagi tugmalar pastga ochiladi.

Memor Tools → Bo'limni tanlash ro'yxatidan bo'lim tanlansa, u lentada ochiq turadi, qolganlari yig'iladi. Hammasi tanlansa, hamma bo'limlar ochiq bo'ladi (joy yetmasa, Revit ularni o'zi yig'adi). Tanlov eslab qolinadi.

Savol qoldimi? Telegram: @memorbim