UZRU
Yuklab olish
Memor Tools / Qo'llanma

DWG eksport

Tanlangan listlarni alohida DWG fayllarga chiqaradi. Xohlasangiz, hammasini bitta DWG'ning Model qismiga haqiqiy o'lchamda yig'adi.

Ishlash tartibi

  1. Lentada Memor Tools → Hujjatlar → DWG eksport.
  2. Chapdagi ro'yxatda listlarni belgilang. Listlar «ADSK_Штамп Раздел проекта» bo'yicha bo'limlarga ajratilgan: bo'lim sarlavhasini bossangiz, butun bo'lim belgilanadi. Shift + bosish — oraliqni belgilash.
  3. Kerak bo'lsa Набор листов dan Revitdagi tayyor to'plamni tanlang.
  4. O'ngda papka, fayl nomi shabloni va eksport sozlamasini tanlang.
  5. Eksport ni bosing. Jarayonni istalgan paytda «To'xtatish» mumkin.
  6. Oxirida hisobot chiqadi: tayyor fayllar, xatolar va eslatmalar.

Fayl nomi shabloni

Odatiy shablon: {Loyiha}_{Raqam}_{Nomi}. Ishlatish mumkin bo'lgan belgilar:

  • {Loyiha} — loyiha nomi (bo'sh bo'lsa — Revit fayl nomi)
  • {LoyihaRaqami}, {Raqam}, {Nomi}, {Bo'lim}, {Sana}

Taqiqlangan belgilar avtomatik tozalanadi, takroriy nomlarga raqam qo'shiladi, juda uzun nomlar qisqartiriladi.

Sozlamalar

  • Eksport sozlamasi — loyihadagi DWG eksport sozlamalaridan biri (qatlamlar, versiya, koordinatalar). Birlik doim mm.
  • Papkada shu nomli fayl bo'lsa — almashtirish, o'tkazib yuborish yoki yangi nom berish.
  • Soyalarni vaqtincha o'chirish — soyalar DWG'da ortiqcha shtrixovka bo'lib chiqmasin. Eksportdan keyin hammasi qaytariladi.
  • Ko'rinishlar alohida fayl (xref) — har bir ko'rinish alohida DWG bo'lib ulanadi.
  • Ranglarni Revitdagidek saqlash — aniq RGB ranglar (jadval fonlari, filtrlar). Chop etishda CTB ishlatsangiz, o'chiring.
  • .pcp fayllarni o'chirish — Revit yaratadigan yordamchi fayllar.

Bitta faylga birlashtirish

Galochka qo'yilsa, alohida fayllardan tashqari {Loyiha}_Hamma_listlar.dwg yaratiladi:

  • har bir bo'lim alohida qatorda, listlar raqam tartibida chapdan o'ngga;
  • har bir list o'z asosiy masshtabida kattalashtiriladi — chizma Model'da haqiqiy o'lchamda (mm): AutoCAD'da DIST bilan o'lchasangiz, haqiqiy masofa chiqadi;
  • o'lchamlar chiziq va matnga ajratiladi, qiymatlari o'zgarmaydi.
Bu imkoniyat uchun kompyuterda AutoCAD® 2021–2024 bo'lishi kerak. Plagin yashirin AutoCAD nusxasini o'zi ochadi va yopadi — sizning ochiq AutoCAD'ingizga tegmaydi.

Listda bir nechta masshtabdagi ko'rinish bo'lsa, eng katta ko'rinish haqiqiy o'lchamda bo'ladi; qolganlari hisobotda ko'rsatiladi.

Muammolar

  • «Fayl band» — fayl AutoCAD'da ochiq. Uni yoping va qayta eksport qiling.
  • «AutoCAD topilmadi» — bitta faylga birlashtirish uchun AutoCAD kerak (AutoCAD LT mos emas). Alohida fayllar baribir tayyor bo'ladi.
  • Jadval foni qora — «Ranglarni Revitdagidek saqlash» yoqilganini tekshiring.
  • Matn boshqa shriftda — hisobotdagi shriftlar AutoCAD o'rnatilgan kompyuterda bo'lishi kerak.

Savol qoldimi? Telegram: @memorbim